Şu gün Türkmenistanyň Prezidenti Serdar Berdimuhamedowyň gatnaşmagynda Balkan welaýatynda desgalaryň düýbüni tutmak we ulanmaga bermek dabarasy geçirildi.

Şu gün Balkan welaýatyna amala aşyran iş saparynyň barşynda Türkmenistanyň Prezidenti Serdar Berdimuhamedow sanly ulgam arkaly Garabogazköl aýlagynyň üstünden geçýän awtomobil köprüsiniň açylmagyna hem ak pata berdi. Bu barada «Watan» habarlar gepleşiginde habar berildi.

Şu gün Balkan welaýatynyň Türkmenbaşy etrabynda kuwwatlylygy ýylda 1 million 155 müň tonna mineral dökün öndürýän täze karbamid zawodynyň düýbüniň tutulyş dabarasy geçirildi. Ony «Mitsubishi» (Ýaponiýa) we döwlet eýeçiligindäki «Gap Inşaat» (Türkiýe) kompaniýasy, «Türkmenhimiýa» döwlet konserni gurar. Bu barada «Нейтральный Туркменистан» gazeti habar berdi.

Aziýanyň Olimpiýa geňeşiniň ýerine ýetiriji komiteti 2029-njy ýylda Aziýanyň IV ýaşlar oýunlaryny Özbegistanyň paýtagty Daşkentde geçirmek kararyna geldi. Bu barada Bahreýnde geçirilen Aziýanyň III ýaşlar oýunlarynyň ýapylyş dabarasynda habar berildi — diýip, olympic.uz saýty ýazýar.

30-njy oktýabrda Magtymguly adyndaky Türkmen döwlet uniwersitetiniň guramagynda ýurduň ýokary okuw mekdepleriniň talyplarynyň arasynda «Talyplaryň reýtingini bahalandyrmagyň sanly programma üpjünçiligi» atly hakaton bäsleşigi geçirildi. Bu barada uniwersitetiň resmi saýtynda habar berildi.

Şu gün Türkmenistanyň Prezidenti Serdar Berdimuhamedow sanly ulgam arkaly Hökümetiň nobatdaky mejlisini geçirdi. «Watan» habarlar gepleşiginde habar berlişi ýaly, mejlisde şu ýylyň 10 aýynda ýurtda alnyp barlan işleriň jemleri jemlenildi.

8-nji noýabrda Türkmenistanda ählihalk bag ekmek çäresi geçiriler. Bu giň gerimli ekologik çäre ýurduň ähli sebitlerinde guralar. Çäräniň dowamynda türkmen arçasynyň nahallarynyň hem oturdylmagy meýilleşdirilýär.

Türkmenistanyň Bilim ministrligi we Türkmenistanyň Inžener-tehniki we ulag kommunikasiýalary institutynyň ýurduň ýokary okuw mekdepleri bilen bilelikde guramagynda, emeli intellekt tehnologiýalaryny logistikada ulanmagyň mümkinçiliklerini görkezýän programma üpjünçiligini işläp düzmek boýunça hakaton bäsleşigi geçirildi.

Italiýa Respublikasyna resmi saparynyň çäklerinde Prezident Serdar Berdimuhamedow Türkmen-italýan işewürlik maslahatyna hem gatnaşdy.

Türkmenistanyň Prezidenti Serdar Berdimuhamedow Birleşen Milletler Guramasynyň Baş sekretary Antoniu Guterrişe BMG-niň döredilmeginiň 80 ýyllygy mynasybetli tüýs ýürekden gutlaglaryny we iň gowy arzuwlaryny iberdi. Bu barada TDH habar berýär.

Şu gün sanly ulgam arkaly geçirilen Hökümet mejlisinde wise-premýer M.Çakyýew Türkmenistanda deňiz-derýa ulaglary pudagy üçin halkara derejeli hünärmenleri taýýarlamak boýunça alnyp barylýan işler barada hasabat berdi. Bu barada «Watan» habarlar gepleşiginde habar berildi.

Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow «Türkmenistan – Owganystan – Pakistan – Hindistan» gaz geçiriji taslamasynyň Arkadagyň ak ýoly bilen Serhetabat – Hyrat gaz geçirijisiniň Owganystanyň Hyrat welaýatyna barýan nobatdaky tapgyryna ak pata berdi. Bu barada TDH habar berýär.

Hökümet mejlisinde Ministrler Kabinetiniň Başlygynyň orunbasary M.Çakyýew milli deňiz we derýa ulaglary pudagynyň maddy-enjamlaýyn binýadyny yzygiderli pugtalandyrmak boýunça alnyp barylýan işler barada hasabat berdi.

Türkmenistanly talyplar 15 — 17-nji oktýabr aralygynda Magtymguly adyndaky Türkmen döwlet uniwersitetinde himiýa dersi boýunça geçirilen IV halkara olimpiadada bäş altyn medal gazandylar. Olimpiadanyň netijeleri Magtymguly Türkmen döwlet uniwersitetiniň maglumatlar portalynda çap edildi.

Türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadag Gurbanguly Berdimuhamedow Türkmenistanyň Prezidenti Serdar Berdimuhamedowa ABŞ-nyň Nýu-Ýork şäherinden gelen hoş habar — Birleşen Milletler Guramasynyň Baş Assambleýasynyň 80-nji sessiýasynyň 18-nji plenar mejlisinde «Awaza syýasy Jarnamasy» atly Kararnamanyň kabul edilmegi mynasybetli gutlag hatyny iberdi. "Türkmenistan" gazetinde çap edilen gutlag hatynda Halk Maslahatynyň Başlygy şeýle belleýär:

14-nji oktýabrda ABŞ-nyň Nýu-Ýork şäherinde BMG-niň Baş Assambleýasynyň 80-nji sessiýasynyň 18-nji plenar mejlisiniň dowamynda «Awaza syýasy Jarnamasy» atly Kararnama biragyzdan kabul edildi. «Watan» habarlar gepleşiginde mälim edilişi ýaly, şu gün sanly ulgam arkaly geçirilen Hökümet mejlisinde Türkmenistanyň Ministrler Kabinetiniň Başlygynyň orunbasary, daşary işler ministri R.Meredow hasabatynda bu baradaky hoş habary aýtdy. 

Hytaýyň Kaşgar şäherinden Azerbaýjana çenli ilkinji halkara multimodal konteýner gatnawy işe girizildi. Bu ugur boýunça ýükler Hytaý — Gyrgyzystan — Özbegistan — Türkmenistan — Azerbaýjan ugry boýunça daşalýar. Bu barada «Uztemirýulkonteýner» habar berýär.

Magtymguly adyndaky Türkmen döwlet uniwersitetinde himiýa dersi boýunça geçirilen IV halkara olimpiadanyň şu gün jemi jemlenip, onuň bilen ugurdaşlykda guralan «Himiýany okatmagyň usulyýetini kämilleşdirmekde innowasion tehnologiýalaryň orny» atly halkara ylmy-amaly maslahatyň ýapylyş dabarasy geçirildi. Bu barada uniwersitetiň maglumatlar portalynda habar berildi.

Türkmenistanda «Awaza» döwlet elektrik stansiýasynda şu ýylyň başyndan bäri 870 million 506 müň kilowat-sagat elektrik energiýasy öndürildi.

Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow sapar bilen gelen «Daewoo Engineering & Construction Co., Ltd.» koreý kompaniýasynyň müdiriýetiniň başlygy Jong Won-ju bilen duşuşdy. Bu barada «Watan» habarlar gepleşiginde habar berildi.