dohom@sanly.tm
Türkmenbaşy şäheriniň D.Azady köçesiniň 75-nji jaýy
Türkmenistan bilen Monako ykdysady forumy geçirmegi meýilleşdirýär

Türkmenistan bilen Monako ikitaraplaýyn işewürlik hyzmatdaşlygyny berkitmäge gönükdirilen bilelikdäki ykdysady forumy geçirmegi meýilleşdirýär. Bu çözgüt 2025-nji ýylyň 30-njy maýynda Monakoda geçirilen ýokary derejeli duşuşykdan soň kabul edildi. Duşuşyga Türkmenistanyň Fransiýa Respublikasyndaky Adatdan daşary we Doly ygtyýarly Ilçisi Maksat Çaryýew we Monako Ykdysady Geňeşiniň wekilleri gatnaşdylar.

Türkmenistanyň Fransiýadaky ilçihanasynyň habar bermegine görä, duşuşyga Monako Ykdysady Geňeşiniň ýerine ýetiriji direktory Giyom Roze, direktoryň orunbasary Jastin Haýman hem-de “SSI Monaco” kompaniýasynyň direktory we geňeşiň hormatly agzasy Ilham Aýgun gatnaşdy.

Duşuşygyň dowamynda taraplar degişli edaralaryň arasynda göni hyzmatdaşlygy ýola goýmak we iki ýurduň işewür toparlarynyň gatnaşmagynda geljekde “Türkmenistan–Monako ykdysady forumyny” guramak baradaky özara gyzyklanmalaryny beýan etdiler.

Gepleşikleriň dowamynda ikitaraplaýyn ykdysady hyzmatdaşlygyň häzirki ýagdaýy we geljegi, esasan hem maýa goýum, söwda, innowasiýalar, durnukly ösüş, ýaşyl tehnologiýalar we sanly ykdysadyýet ýaly ugurlar boýunça pikir alşyldy.

Bu duşuşyk Türkmenistanyň hem-de Monako Knýazlygynyň arasynda ykdysady hyzmatdaşlygy ösdürmekde möhüm ädim boldy.

Şeýle hem şol gün Maksat Çaryýew Monako Knýazlygynyň köşgünde geçirilen resmi dabarada Monako Knýazy Albert II-ä ynanç hatlaryny gowşurdy. Bu çäre türkmen ilçisiniň Monakodaky diplomatik wezipesiniň resmi taýdan başlanandygyny we Türkmenistanyň Monako bilen syýasy, ykdysady we ynsanperwer ugurlarda gatnaşyklary berkitmäge ygrarlylygyny tassyklaýar.

Ähli Habarlar

Ähli Habarlar
Card image cap
Iýl 07 2025
“Türkmendeňizderýaýollary” agentligi iki sany Ro-Ro görnüşli gämileri we bir sany gury ýük daşaýan gämisiniň gurulmagy babatynda bäsleşik yglan etdi

Türkmenistanyň deňiz söwda flotunyň gämileriniň gurluşygyny maliýeleşdirmek boýunça Türkmenistanyň Hökümeti bilen Yslam Ösüş Bankynyň, hem-de OPEK halkara ösüş gaznasynyň arasynda baglaşylan Ylalaşyklary durmuşa geçirmegiň çäklerinde 2025-nji ýylyň 2-nji iýulynda “Türkmendeňizderýaýollary” agentligi “Ro-Ro” görnüşli iki sany demir ýol paromlarynyň we bir sany gury ýük daşaýan gämisiniň gurluşygy boýunça taslamalaşdyrmak, enjamlar bilen üpjün etmek hem-de gämi gurluşygyny dolandyrmak barada bäsleşik yglan etdi.   Gämiler “Balkan” gämi gurluşyk we abatlaýyş zawodynda gurlar. Bu taslamanyň maksady, milli deňiz söwda flotunyň mümkinçiliklerini we netijeliligini ýokarlandyrmak hem-de ýurduň gämi gurluşyk mümkinçiligini ösdürmek bolup durýar. Bu taslama, deňiz ulag pudagynyň durnukly ösüşini gazanmakda we ýurdumyzyň ykdysadyýetini hem-de ykdysady işi difersifikasiýalaşdyrmaga gönükdirilen, ýurdy ösdürmegiň umumy strategiýasyna goşant goşar.   Mundan başga-da, “Balkan” zawodynda gämileriň gurulmagy täze iş orunlarynyň açylmagyna, şeýle hem, türkmen inženerleriniň we işçileriniň hünär derejeleriniň ýokarlanmagyna we pudagyň mundan beýläk-de ösmegi üçin şertleri döreder. Bu bäsleşik barada giňişleýin maglumaty aşakda görkezilen salgylardan alyp bilersiňiz: