Ulag logistikasynyň nädip netijeliligini artyrmaly?
Islendik döwrebap kärhananyň işinde awtomatlaşdyryş barha möhüm bolup durýar. Bu logistika hem doly degişlidir. Awtomatlaşdyryş, üpjünçilik zynjyryny dolandyrmak, ammar we eltip bermek bilen baglanyşykly çylşyrymly meseleleriň köpüsini tertipleşdirýär we aňsatlaşdyrýar, netijeliligi we müşderi hyzmatyny ýokarlandyrmak bilen önüm öndürýän kärhanalara çykdajylary azaltmaga mümkinçilik berýär.Bu makalada logistika proseslerini awtomatlaşdyrmagyň peýdalary, şeýle hem haýsy görnüşleriň awtomatlaşdyrylyp bilinjekdigi barada söhbet ederis. Mundan başga-da, onlaýn söwda nokatlarynyň ulag logistikasynyň nädip netijeliligini artyrmalydygyny seljereris.
Logistikany dolandyrmagy awtomatlaşdyrmagyň peýdalary örän köp. Logistika dolandyryş meselelerini ýerine ýetirmek üçin zerur zähmet güýjüni azaltmak bilen her bir işiň zähmet çykdajylaryny hem azaltmaga kömek edýär.Takyklygy ýokarlandyrýar we iş prosesinde adam faktoryny ýok etmek bilen gowşuryş wagtyny çaltlaşdyrýar. Iberişleri yzarlaýar we sargytlaryň we beýleki içerki we daşarky logistika amallarynyň öz wagtynda iberilmegini üpjün edýär.
Awtomatlaşdyrylan ulgamlar müşderilere hakyky (real) wagt sargyt maglumatlary berip biler we iberişleri yzarlamagy aňsatlaşdyryp biler. Bu, müşderileriň ynamyny ýokarlandyrmaga kömek edýär, sebäbi sargytlarynyň netijeli we takyk işlenýändigini bilýärler. Bu işe gatnaşýan ähli gyzyklanýan taraplar üçin üpjün edijilerden başlap müşderilere çenli üpjünçilik zynjyrynyň has gowy görünmegini üpjün etmek üçin awtomatlaşdyryş ulanylyp bilner, şeýle-de kompaniýalara kynçylyk ýüze çykmazdan ozal ýüze çykyp biljek päsgelçilikleri kesgitlemäge mümkinçilik berýär.
Işgärleri gereksiz resminamalary bilen meşgullanmaklykdan azat edip, kompaniýanyň resminama akymyny standartlaşdyrmaga we birleşdirmäge mümkinçilik berýär. Umuman aýdanyňda, häzirki zaman logistika prosesleri barada aýdylanda çykdajylary azaltmakdan başlap, müşderi hyzmatyny gowulaşdyrmak, bazarynda bäsdeşlik etmek isleýän kärhanalar üçin täsirli gural bolmak meselesinde awtomatlaşdyrmagyň ägirt uly potensialynyň bardygyna şek şübhe ýokdur. Haýsy logistika amallary awtomatlaşdyrylyp bilner?.
Döwrebap tehnologiýalar islendik logistika amalyny diýen ýaly awtomatlaşdyrmaga mümkinçilik berýär:
Meýilnamalaşdyrmak: Meýilnamalaşdyryş gurallary, gowşuryş tertibi, müşderiniň isleg görnüşleri we inwentar derejeleri ýaly maglumatlara esaslanyp has işewür karar bermäge mümkinçilik berýär.
Gözegçilik: Awtomatlaşdyrylan yzarlaýyş ulgamlary kärhanalara hakyky wagtda iberişlere gözegçilik etmäge mümkinçilik berýär.
Öwreniş dolandyryşy: Kompaniýalar köp ammarlarda ýa-da haryt jemlenýän punktlarda inwentar derejesini yzarlamak üçin ulgamlary ulanyp bilerler.
Sargytlary ýerine ýetirmek: Awtomatiki sargyt ýerine ýetiriş ulgamlary müşderilere has uly logistika bölümi bolmasa-da, has az zähmet bilen sargytlary çalt bermäge mümkinçilik berýär .
Hasaplaşyk we hasap-faktura: Takyk hasap-fakturalary çalt amala aşyrmak prosesini ýönekeýleşdirmäge kömek edýär
Müşderi hyzmaty: Adaty iş amallaryny awtomatlaşdyrmak, e-poçta ýa-da chatbot goldawy arkaly müşderileriň soraglaryna has çalt jogap bermäge mümkinçilik berýär
Eltip bermek hyzmatyny dolandyrmak: satyjynyň logistika tygşytlamagy sebäpli harytlar has çalt geler we sargytlaryň satyn alynmagy artar, gowşuryş hyzmatlarynyň arasynda sargytlary paýlamak üçin iň amatly ulgamy guramak ukyby artar.
A. Atagurbanowa
Türkmenbaşy şäherindäki deňizçilik orta hünär okuw mekdebiniň mugallymy
