Jemgyýetiň we tebigatyň özara täsiri.
Adamyň tebigy sreda täsiriniň jemi tebigy prosesleriň täsiri bilen deňeşdirerliklidir. Onuň şeýledigini aýratyn hem zatlaryň tebigy aýlanyşygyny we adamyň hojalyk işleriniň täsirindäki zatlaryň aýlanyşygy bilen deňeşdirilende has aýdyň görmek bolýar.
Biziň halkymyz öz ykbalynyň eýesi bolup, iňňän çylşyrymly we giň möçberli ykdysady, durmuşy hem ekologiýa wezipelerini çözmäge ukyplydygyny subut etdi. Adamzat dünýä jemgyýetçiligini tolgundyrýan köptaraplaýyn meseleleriň giden bir toplumy bilen täze müňýyllyga gadam basdy. Olardan iň möhümleri jemgyýetiň we tebigatyň özara täsiri, onuň baýlyklaryny rejeli peýdalanmagydyr. Tebigatyň belli bir çägi ýok, Ýer bolsa biziň umumy ýaşaýan ýerimizdir, şeýlelikde, halklaryň abadançylygy, her bir döwletiň durnukly ösüşi köp babatda bu meseleleriň milli we dünýä derejesinde çözülmelidir.
Häzirki zamanyň ylmy we tehnikasy atmosferanyň, gidrosferanyň, litosferanyň, okeanyň monitoring gözegçilikleri geçirilip adamlaryň howpsuzlygyny goramak üçin derwaýysdyr. Döwletiň ekologiýa howpsuzlygyny üpjün etmek her bir raýatyň borjydyr. Şol sebäpli pudaklaýyn dolandyryş edaralary, häkimlikler, guramalar, kärhanalar döwletiň ekologiýa syýasatyny durmuşa gçirmekde, tebigatdan rejeli peýdalanmagy üpjün etmekde, töwerekdäki tebigy gurşawy goramakda jan aýamazlykly zähmet çekmelidirler. Şonuň üçin, ýurdumyzda ylmyň täze gazanan ýokary tehnologiýalaryny durmuşa ornaşdyryp, öndürilýän önümleriň ekologiýa taýdan arassa, adam saglygyna zyýansyz we galyndysyz önümçilik proseslerini gurnamakdan ybaratdyr.
Hormatly Prezidentimiziň öz halkynyň aladasynyň we göniden-göni öziniň ýolbaşçylyk etmeginiň netijesinde bu pudaklar günsaýyn özgerýär we ösýär.
