dohom@sanly.tm
Türkmenbaşy şäheriniň D.Azady köçesiniň 75-nji jaýy
English Русский
Ženewada Türkmenistanyň SPEKA başlyklyk etmegine bagyşlanan duşuşyk geçirildi

Türkmenistanyň BMG-niň Ženewadaky edarasynyň ýanyndaky hemişelik wekilhanasynda ýurduň Merkezi Aziýanyň ykdysadyýetleri üçin Ýörite maksatnama (SPEKA) başlyklyk etmegine bagyşlanan gibrid görnüşindäki duşuşyk geçirildi.

Bu duşuşyga BMG-niň SPEKA maksatnamasyny utgaşdyrýan sebit komissiýalarynyň — BMG-niň Ýewropa ykdysady komissiýasynyň we BMG-niň Aziýa we Ýuwaş ummany sebiti boýunça Ykdysady we durmuş meseleleri boýunça komissiýasynyň ýolbaşçylary, şeýle hem SPEKA agza ýurtlaryň Ženewadaky akkreditirlenen hemişelik wekilleri, milli utgaşdyryjy edaralaryň ýolbaşçylary we wekilleri gatnaşdylar.

Duşuşykda türkmen tarapy başlyklyk etmegiň maksatnamasy we şu ýyl meýilleşdirilýän ähli çäreler barada jikme-jik maglumat berdi.

Mundan başga-da, taraplar ýakyn geljek üçin bilelikdäki işler, hususan-da, ozal gazanylan ylalaşyklaryň ýerine ýetirilişi barada pikir alyşdylar.

Ýeri gelende bellesek, SPEKA BMG tarapyndan 1998-nji ýylda döredildi. Bu maksatnama Merkezi Aziýa ýurtlarynda ykdysadyýetiň durnukly ösüşine we olaryň arasyndaky gatnaşyklaryň güýçlenmegine itergi berýän ykdysady platforma bolup hyzmat edýär. Maksatnama agza ýurtlaryň hataryna Türkmenistan, Azerbaýjan, Gazagystan, Gyrgyzystan, Özbegistan, Täjigistan we Owganystan girýär.

Ähli Habarlar

Ähli Habarlar
Card image cap
Iýl 08 2025
Yslamabat şäherinde Halkara parlamentariler kongressiniň baş sekretarynyň ýolbaşçylygyndaky wekiliýet bilen duşuşyk geçirildi
Card image cap
Iýl 07 2025
“Türkmendeňizderýaýollary” agentligi iki sany Ro-Ro görnüşli gämileri we bir sany gury ýük daşaýan gämisiniň gurulmagy babatynda bäsleşik yglan etdi

Türkmenistanyň deňiz söwda flotunyň gämileriniň gurluşygyny maliýeleşdirmek boýunça Türkmenistanyň Hökümeti bilen Yslam Ösüş Bankynyň, hem-de OPEK halkara ösüş gaznasynyň arasynda baglaşylan Ylalaşyklary durmuşa geçirmegiň çäklerinde 2025-nji ýylyň 2-nji iýulynda “Türkmendeňizderýaýollary” agentligi “Ro-Ro” görnüşli iki sany demir ýol paromlarynyň we bir sany gury ýük daşaýan gämisiniň gurluşygy boýunça taslamalaşdyrmak, enjamlar bilen üpjün etmek hem-de gämi gurluşygyny dolandyrmak barada bäsleşik yglan etdi.   Gämiler “Balkan” gämi gurluşyk we abatlaýyş zawodynda gurlar. Bu taslamanyň maksady, milli deňiz söwda flotunyň mümkinçiliklerini we netijeliligini ýokarlandyrmak hem-de ýurduň gämi gurluşyk mümkinçiligini ösdürmek bolup durýar. Bu taslama, deňiz ulag pudagynyň durnukly ösüşini gazanmakda we ýurdumyzyň ykdysadyýetini hem-de ykdysady işi difersifikasiýalaşdyrmaga gönükdirilen, ýurdy ösdürmegiň umumy strategiýasyna goşant goşar.   Mundan başga-da, “Balkan” zawodynda gämileriň gurulmagy täze iş orunlarynyň açylmagyna, şeýle hem, türkmen inženerleriniň we işçileriniň hünär derejeleriniň ýokarlanmagyna we pudagyň mundan beýläk-de ösmegi üçin şertleri döreder. Bu bäsleşik barada giňişleýin maglumaty aşakda görkezilen salgylardan alyp bilersiňiz:

Card image cap
Iýl 05 2025
Türkmen wekiliýeti YHG-nyň 17-nji sammitine gatnaşýar

Türkmenistanyň daşary işler ministri R.Meredowyň ýolbaşçylygyndaky wekiliýet Ykdysady hyzmatdaşlyk guramasynyň 17-nji sammitine gatnaşýarrkmenistanyň daşary işler ministri R.Meredowyň ýolbaşçylygyndaky wekiliýet Ykdysady hyzmatdaşlyk guramasynyň 17-nji sammitine gatnaşmak üçin Azerbaýjanda iş saparynda bolýar.