Türkmenbaşy şäherindäki TNGIZT medeni-sport binasynyň mejlisler zalynda Türkmenbaşy şäherindäki Deňizçilik orta hünär okuw mekdebiniň we Türkmenbaşy şäher häkimliginiň gurnamagynda şanly Garaşsyzlygymyzyň 33 ýyllyk toýuna bagyşlanyp aýdym-sazly dabaranyň başynda Orta hünär okuw mekdebiniň talyplarynyň we folklor toparynyň çykyşlaryna, aýdym-sazlaryna tomaşa edildi. Okuw mekdebiň mugallymlarynyň we talyp ýaşlarynyň Gahryman Arkadagymyza bagyşlanyp düzülen kompozisiýa çykyşy gelen myhmanlarda uly täsir galdyrdy. Dabaranyň dowamynda Türkmenbaşy şäheriniň medeniýet işgärleriniň çykyşlaryna tomaşa edilip dürli pudaklarda zähmet çekýän raýatlarymyzyň gutlaglary diňlenildi.

Şu gün ir säher bilen Türkmenbaşy şäherindäki Deňizçilik orta hünär okuw mekdebinde  şanly Garaşsyzlygymyzyň 33 ýyllyk toýuna bagyşlanyp aýdym-sazly dabara geçirildi. Dabara orta hünär okuw mkekdebiniň direktory  A.Şanazarowyň çykyşy bilen başlanyldy. Soňra okuw mekdebiň döredijilik toparynyň taýýarlan watan waspyny ýetirýän aýdymdyr-sazlar bilen dowam etdi. Professor mugallymlaryň gutlaglary diňlenilip, döredijilik çykyşlaryna uly orun berildi. Dabaranyň ahyrynda orta hünär okuw mekdebiniň talyplarynyň ýerine ýetirmeginde  küştdepdi tansyna tomaşa edilip, Türkmen Halkynyň Milli Lideri Gahryman Arkadagymyza, Arkadagly Gahryman Serdarymyza ýürekden alkyşlar aýdyldy.

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň we Türkmenistanyň Prezidenti Serdar Berdimuhamedowyň gatnaşmagynda ýurduň Garaşsyzlygynyň 33 ýyllygy we Türkmenistanyň Halk Maslahatynyň mejlisiniň üstünlikli geçmegi mynasybetli Türkmenbaşynyň ruhy metjidinde sadaka berildi. Bu barada TDH habar berýär.