Garaşsyz, hemişelik Bitarap Türkmenistanda ähli ulgamlarda ýetilýän belent sepgitler, gazanylýan uly üstünlikler ýurduň medeniýet, sungat we döredijilik işgärlerini täze, döwrebap eserleri döretmäge ruhlandyrýar.

2025-nji ýylyň ýanwar — sentýabr aýlarynda Türkmenistan bilen Gazagystanyň arasyndaky söwda dolanyşygy 363,6 million amerikan dollaryna deň boldy. Bu görkeziji geçen ýylyň degişli döwri bilen deňeşdirilende, 5,4 göterim ýokarydyr. Maglumat üçin, 2024-nji ýylda türkmen-gazak söwda dolanyşygy 555,7 million amerikan dollaryna barabar bolupdy. Bu barada Kazinform habar berýär.

Brýussel şäherinde Türkmenistanyň hemişelik Bitaraplygynyň 30 ýyllygyna hem-de Halkara parahatçylyk we ynanyşmak ýylyna bagyşlanyp dabaraly çäre geçirildi. Kabul edişligi Türkmenistanyň Belgiýa Patyşalygyndaky ilçihanasy gurady. Oňa Ýewropa institutlarynyň, Belgiýanyň Hökümetiniň ýolbaşçylary, halkara guramalaryň wekilleri, ilçiler, diplomatlar, jemgyýetçilik işgärleri we medeniýet ulgamynyň wekilleri gatnaşdylar. Bu barada ilçihana habar berýär.