dohom@sanly.tm
Türkmenbaşy şäheriniň D.Azady köçesiniň 75-nji jaýy
English Русский
Ýurdumyzda saýlawlar döwletiň jemgyýetçilik-syýasy durmuşynda demokratiýanyň ýüze çykmagynyň esasy çeşmesi bolup durýar. Şonuň bilen birlikde hem saýlaw hukugy raýatlaryň saýlamak we saýlanmak bilen bagly esasy syýasy hukuklarynyň biridir. Hormatly Prezidentimiziň başlangyjy esasynda, saýlawlar we sala salşyklar hakyndaky kanunçylygy kämilleşdirmek işleriniň çäklerinde, halkara we milli tejribelerden ugur alnyp saýlawlar guramaçylykly geçirilýär. Ýaňy ýakynda hem deňizçilik orta hünär okuw mekdebinde ýerleşýän 18-nji saýlaw uçastogynda 2023-nji ýylyň 26-njy martynda Türkmenistanyň Mejlisiniň deputatlarynyň, welaýat halk maslahatlarynyň agzalarynyň we etrap, şäher halk maslahatynyň agzalarynyň saýlawlary geçirildi. Ol saýlawlara 1702 adam gatnaşdy we özleriniň saýlan dalaşgärlerlerine ses berdiler.

Ähli Habarlar

Ähli Habarlar
Card image cap
Maý 17 2023
Türkmenbaşy şäher TNGIZT-Medeni sport merkezinde Deňizçilik orta hünär okuw mekdebiniň talyplarynyň gatnaşmagynda Ýeňiş gününe bagyşlanyp “Ýüreklerde adyňyz batly ýaşaýar” atly aýdym-sazly çäre geçirildi. Çärede medeni sport merkeziniň işgärleri öz aýdym-sazly çykyşlary bilen tomaşaçylarda täsirli duýgulary galdyrdylar. Berkarar döwletiň täze eýýamynyň Galkynyşy döwründe watansöýüjiligiň, gahrymançylygyň şanly baýramy bolan Ýeňiş güni egsilmez joşgun, uly dabara bilen bellenilýär. Ýeňiş baýramy adamzadyň parahatçylyk, dostluk, belent ynsanperwerlik ýörelgeleriniň çuň many-mazmunyny özünde jemleýär, halklaryň agzybirligini hem-de jebisligini alamatlandyrýar. Häzirki nesil türkmen halkynyň gahryman ogullarynyň öňünde hemişe borçludyr.
Card image cap
Apr 25 2023
Türkmenbaşy şäher kitaphanasynyň işgärleriniň gatnaşmagynda Deňizçilik orta hünär okuw mekdebiniň Mejlisler jaýynda Magtymguly Pyragynyň şygryýet güni mynasybetli duşuşyk çäresi geçirildi. Duşuşykda şahyryň öz setirlerinde beýan eden, türkmenleriň milli ruhunyň sütünini düzýän döredijilik ýörelgeleri barada söhbetdeşlik geçirildi. Şeýle-de şahyryň öz jöwher paýhasyny siňdiren goşgulary okaldy. Häzirki wagtda Magtymgulynyň ady bütin dünýä bellidir. Onuň öçmejek eserleri bolsa dürli dillere neşir edilýär. Beýik şahyryň döreden goşgulary geçen döwürleriň meşhur edebiýat ussatlarynyň we filosoflarynyň eserleriniň hatarynda mynasyp orun eýeleýär, onuň döredijiligi dünýä medeniýetiniň altyn hazynasyna girdi. Türkmen halky beýik şahyra aýratyn sarpa goýýar hem-de onuň şygryýet gününi her ýyl dabaraly ýagdaýda belleýär.
Card image cap
Apr 19 2023
Türkmenbaşy şäherindäki Hazar deňziniň kenarynda ýerleşýän “Salkyn Kenar” seýilgähinde Deňizçilik orta hünär okuw mekdebi we “Dana” bilim merkezi bilen bilelikde “Sagdyn-Bedende Sagdyn ruh 2023” atly sportyň stol tennisi hem-de küşt görnüşleri boýunça bäsleşik geçirildi. Sportyň bu görnüşleri boýunça bäsleşik talyplaryň we okuwçylaryň gatnaşmagynda çekeleşikli geçdi we gatnaşyjylarda örän täsirli duýgulary galdyrdy. Şeýle-de bäsleşigiň dowamynda talyplaryň,sungat ussatlarynyň, aýdym-saz we tans toparlarynyň çykyşlary geçirildi.