dohom@sanly.tm
Türkmenbaşy şäheriniň D.Azady köçesiniň 75-nji jaýy
English Русский
Täze ýyl baýramy.

Ýurdumyz 2023-nji ýyly garşylamaga taýýarlanýar. Täze ýyl baýramynyň ýakymly howasy bar ýere ýaýraýar. Onuň golaýlaşýandygy hemme ýerde duýulýar. Täze ýyl baýramçylygy örän üýtgeşik, jadyly baýramçylyk. Sebäbi täze ýyl ynsanlaryň kalplaryna nur paýlap, uly-uly umytlara, owadan arzuwlara beslenýär. Bu baýramçylyk ajaýyp bir dünýewi baýramçylyk bolup dünýäniň ähli künjeklerine bellenilýär. Täze ýyl baýramy maşgala baýramçylygy hökmünde hem meşhurdyr. Öz senenamalaryny millileşdiip ulanýan ýurtlaryň köpüsinde täze ýyl baýramçylygy bellemeklik örän möhüm çäreleriň biri bolup durýar. Biziň bilşimiz ýaly häzirki wagtda ýurtlaryň köpsünde Georgiý senenamasy ulanylýar. Täze ýyl baýramçylygynyň belleniliş senesiniň üýtgemegi bilen, şol baýramçylygyň belleniliş tertibi, däpleri we özboluşly aýratynlyklary hem üýtgeýär. Ýurdumyz Arkadagly Serdarymyzyň ýolbaşçylygynda ýene bir ýyly üstünlikli tamamlap täze bir ýyla gadam basmaga taýýarlanýar.

Ähli Habarlar

Ähli Habarlar
Card image cap
Mar 28 2023
Ýurdumyzda saýlawlar döwletiň jemgyýetçilik-syýasy durmuşynda demokratiýanyň ýüze çykmagynyň esasy çeşmesi bolup durýar. Şonuň bilen birlikde hem saýlaw hukugy raýatlaryň saýlamak we saýlanmak bilen bagly esasy syýasy hukuklarynyň biridir. Hormatly Prezidentimiziň başlangyjy esasynda, saýlawlar we sala salşyklar hakyndaky kanunçylygy kämilleşdirmek işleriniň çäklerinde, halkara we milli tejribelerden ugur alnyp saýlawlar guramaçylykly geçirilýär. Ýaňy ýakynda hem deňizçilik orta hünär okuw mekdebinde ýerleşýän 18-nji saýlaw uçastogynda 2023-nji ýylyň 26-njy martynda Türkmenistanyň Mejlisiniň deputatlarynyň, welaýat halk maslahatlarynyň agzalarynyň we etrap, şäher halk maslahatynyň agzalarynyň saýlawlary geçirildi. Ol saýlawlara 1702 adam gatnaşdy we özleriniň saýlan dalaşgärlerlerine ses berdiler.
Card image cap
Mar 15 2023
Berkarar döwletimiziň täze eýýamynyň galkynyşy döwründe tokaý zolaklaryny döretmek, seýilgähleriň çäklerini giňeltmek hem-de bar bolan baglara degişli derejede ideg etmek wezipesi döwlet syýasatynyň ileri tutulýan ugurlarynyň birine öwrüldi. Bu bolsa güneşli Diýarymyzyň ähli künjeklerinde ynsan saglygy üçin ýakymly howa gurşawynyň döredilmegine ýardam edýär. Mälim bolşy ýaly, Diýarymyzda köpçülikleýin bag nahallaryny ekmek dabarasyna möhüm ähmiýet berilýär, däbe görä, ýaz we güýz pasyllarynda köpçülikleýin bag nahallaryny ekmek boýunça wajyp möwsüm guralýar. Bu işe ähli ministrlikleriň, pudaklaýyn dolandyryş edaralarynyň, welaýatlaryň hem-de şäherleriň häkimlikleriniň, medeni ojaklaryň, bilim edaralarynyň wekilleriniň işjeň gatnaşýandygyny bellemek gerek. Olaryň birleşen tagallasy netijesinde, her ýylda millionlarça düýp bag nahaly ekilýär, şeýlelikde, tokaý zolaklarynyň çäkleri giňeýär. Tokaý zolaklaryna, seýilgählere we her düýp baga ideg etmek işlerine möhüm ähmiýet berilýär. Deňizçilik orta hünär okuw mekdebiniň talyp ýaşlarynyň gatnaşmagynda “Awaza” milli syýahatçylyk zolagyndaky her düýp baga degişli derejede ideg edildi we täze bag nahallary ekildi.
Card image cap
Mar 09 2023
Türkmen halypa şahyry, Türkmenistanyň halk ýazyjysy Gurbannazar Ezizowy ýatlap, Türkmenbaşy şäherindäki Deňizçilik orta hünär okuw mekdebinde bilim alýan talyp ýaşlaryň arasynda döredijilik duşuşygy geçirildi. Duşuşygyň dowamynda ýazyň, güýzüň şahyry Gurbannazar Ezizowyň ýazan eserleri, goşgulary barada gürrüň berildi. Şeýle hem mekdebimizde döredijilik işi bilen meşgullanýan talyplaryň öz ýazan goşgulary diňlenildi.