dohom@sanly.tm
Türkmenbaşy şäheriniň D.Azady köçesiniň 75-nji jaýy
English Русский
Türkmenistanda «Magtymguly Pyragynyň 300 ýyllygyna» atly ýubileý medalynyň plankasynyň ýazgysy tassyklanyldy

Türkmenistanyň Prezidenti Serdar Berdimuhamedow «Türkmenistanyň «Magtymguly Pyragynyň 300 ýyllygyna» atly ýubileý medalyny döretmek hakynda» Türkmenistanyň Kanunyna goşmaça girizmek hakynda» Kanuna gol çekdi.

Kanunda Türkmenistanyň «Magtymguly Pyragynyň 300 ýyllygyna» atly ýubileý medalynyň plankasynyň ýazgysy şeýle bellenilýär: «Türkmenistanyň «Magtymguly Pyragynyň 300 ýyllygyna» atly ýubileý medalynyň plankasynyň düşegi ýaşyl reňkli syrça bilen örtülen. Onuň merkezinde Magtymguly Pyragynyň eline kitap alyp duran milli lybasdaky altyn çaýylan şekili ýerleşdirilen.

Plankanyň daşky gyrasyna altyn çaýylan. Ýubileý medalynyň plankasynyň ölçegi ini 24 mm we beýikligi 10 mm bolup, ol mis bilen nikeliň garyndysyndan ýasalan».

Ýeri gelende bellesek, geçen ýylyň fewralynda Prezident Serdar Berdimuhamedow «Türkmenistanyň «Magtymguly Pyragynyň 300 ýyllygyna» atly ýubileý medalyny döretmek hakynda» Türkmenistanyň Kanunyna gol çekdi.

Ähli Habarlar

Ähli Habarlar
Card image cap
Maý 20 2025
Türkmenistanly talyplar «Lomonosow» uniwersiadasynda baýrakly orunlary eýelediler

  Türkmenistanyň ýokary okuw mekdepleriniň bäşisinden talyplaryň 20-si Moskwanyň M.W.Lomonosow adyndaky Döwlet uniwersitetiniň guramagynda geçirilýän lingwistika, sebit we medeniýeti öwreniş «Lomonosow» uniwersiadasyna gatnaşdylar.
Uniwersiadanyň netijelerine esaslanyp, olardan 2 ýeňiji we 6 baýrak eýesi kesgitlenildi diýlip, «Türkmenistan: Altyn asyr» elektron gazetinde habar berildi.
Uniwersiada-da Döwletmämmet Azady adyndaky Türkmen milli dünýä dilleri institutynyň talyby Arslan Mämmedow we Magtymguly adyndaky Türkmen döwlet uniwersitetiniň talyby Läle Rzagulyýewa ýeňiş gazandylar.
Şeýle hem Döwletmämmet Azady adyndaky Türkmen milli dünýä dilleri institutynyň dört talyby uniwersiadanyň ýeňijisi diýlip yglan edildi: Güljemal Güýjowa, Daniela Gerb, Diana Dallakýan we Leýli Işanowa.
Magtymguly adyndaky Türkmen döwlet uniwersitetiniň talyby Perman Kyýasow we S.A.Nyýazow adyndaky Türkmen oba hojalyk uniwersitetiniň talyby Ýaran Hudaýberdiýew dagy hem tapawutlandylar.
Uniwersiadanyň guramaçylary Türkmenistandan gatnaşyjylaryň ýokary taýýarlyk we bilim derejesini bellediler.
Türkmenistanly talyplar üçünji gezek «Lomonosow» uniwersiadasyna gatnaşýarlar we yzygiderli ýokary netijeleri görkezýärler.  

Card image cap
Maý 20 2025
«Aşgabat» aýdym-saz merkezinde baýramçylyk konserti boldy

Türkmenistanyň Konstitusiýasynyň we Döwlet baýdagynyň güni mynasybetli, «Aşgabat» aýdym-saz merkezinde sungat ussatlarynyň konserti boldy. Bu barada «Watan» habarlar gepleşiginde habar berildi.

Card image cap
Maý 15 2025
Türkmenistanyň Mejlisinde UNECE-niň bilermenleri bilen duşuşyk geçirildi

14-nji maýda Türkmenistanyň Mejlisinde Birleşen Milletler Guramasynyň Ýewropa ykdysady komissiýasynyň (UNECE) bilermenleri Tamara Kutonowa we Jon Marko Çorç bilen Mejlisiň wekilleriniň duşuşygy boldy. Bu barada Mejlisiň resmi saýtynda habar berildi.