Halkara zenanlar gününiň öňüsyrasynda, 7-nji martda Türkmenistanyň Döwlet medeniýet merkeziniň Mukamlar köşgünde sungat ussatlarynyň ýurduň gelin-gyzlaryna bagyşlanan konserti boldy. Bu barada türkmen metbugatynda habar berilýär.

Ozal habar berşimiz ýaly, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow «Euronews» telekompaniýasynyň habarçysy Loro Bakwelliniň sowallaryna jogap berdi. Halk Maslahatynyň Başlygy Gurbanguly Berdimuhamedow «Euronews» telekompaniýasynyň habarçysy bilen söhbetdeşlikde Türkmenistanyň içeri we daşary syýasatynyň esasy ugurlaryny, dünýä gün tertibiniň üns merkezinde durýan suw, energetika, ählumumy we sebit derejeli hyzmatdaşlyk gatnaşyklary barada türkmen döwletiniň garaýyşlaryny beýan etdi. Bu söhbetdeşlik şu gün BMG-niň resmi dünýä dillerinde ýaýlyma berilýän «Türkmenistan» teleýaýlymynda dolulygyna teletomaşaçylara görkezilýär.

Russiýa bilen Türkmenistanyň arasynda bilim pudagyndaky hyzmatdaşlygyň ösdürilmeginiň çäklerinde Türkmenistanyň Ministrler Kabinetiniň ýanyndaky Ulag we kommunikasiýalar agentliginiň “Türkmendeňizderýaýollary” agentliginiň Türkmenbaşy şäherindäki Deňizçilik orta okuw mekdebine rus dilindäki 500-e golaý okuw-usuly gollanmalary we ylmy-populýar edebiýat sowgat berildi. Bu barada Russiýa Federasiýasynyň Türkmenistandaky ilçihanasynyň metbugat gullugy habar berýär.