Hormatly Prezidentimiz Serdar Berdimuhamedowyň deňiz kenaryndaky açylyp ulanylmaga berlen täze kottejler toplumynyň açylyş dabarasyna “Türkmendeňizderýaýollary” agentliginiň DOHOM-iň mugallymlary we talyp ýaşlary gatnaşdylar.
Hormatly Prezidentimiz Serdar Berdimuhamedowyň gatnaşmagynda Hazar deňziniň kenarynda täze döwrebap “Rowaç” kottejler toplumynyň açylyş dabarasy boldy. Bu toplum «Awaza» milli syýahatçylyk zolagynyň dynç alyş-şypahana düzüminiň üstüni ýetirdi.
Soňky ýyllarda türkmen topragynyň bu ajaýyp künjegi tanalmaz derejede özgerdi. Deňiz kenarynda ak mermerli kaşaň myhmanhanalar, kottej şäherçeleri, ýaht-klublar, çagalar sagaldyş merkezleri, sport desgalary guruldy, dynç alyş seýilgähleri we ýaşyl zolaklar, emeli derýa döredildi. Bularyň hemmesi, şol sanda ulag we inženerçilik-tehniki düzümleriň desgalary-da öňdebaryjy tehnologiýalary hem-de gurluşyk, binagärlik we bezeg ulgamlaryndaky
özboluşly çözgütleri peýdalanmak arkaly, täzeçil çemeleşmeleriň esasynda bina edildi.
Bu ajaýyp baýramçylyga “Türkmendeňizderýaýollary” agentliginiň Deňizçilik orta hünär okuw mekdebiniň mugallymlary hem-de talyp ýaşlary gatnaşdylar.Döwletimizi barha gülzarlyga öwürýän, ýurdumyzyň deňiz-derýa ulgamyny gülläp ösdürýän Hormatly Prezidentimize, Arkadag Serdarymyza talyp ýaşlarmyzyň kalplary alkyşdan doly.
“Awaza” milli syýahatçylyk zolagynyň täze düzümleýin desgasynyň açylyp ulanylmaga berilmegi parahatçylyk, döredijilik hem-de ösüş ýoly bilen ynamly öňe barýan Garaşsyz, hemişelik Bitarap Watanmyzyň ýyl ýazgysyna ýene-de bir şanly waka bolup girdi.
Ýurdumyzyň ylym-bilim ulgamyny barha kämilleşdirýän, giň dünýä garaýşly,ösen tehnologiýalardan baş çykarýan ýaşlaryň kemala gelmegi ugrunda giň gerimli işleri alyp barýan Hormatly Prezidentimiziň jany sag, başy dik, il-ýurt bähbitli tutýan işleri hemişe rowaçlyklara beslensin!
