Şu gün Awaza milli syýahatçylyk zolagyndaky "Şamekan" myhmanhanasynda Türkmenistanyň Ministrler Kabinetiniň ýanyndaky Ulag we kommunikasiýalar agentliginiň “Türkmendeňizderýaýollary” agentliginiň Türkmenbaşy şäherindäki Deňizçilik orta hünär okuw mekdebi hem-de Magtymguly adyndaky ýaşlar guramasynyň Türkmenbaşy şäher geňeşligi bilen bilelikde "Hoş geldiň Täze ýyl" atly baýramçylyk dabarasy geçirildi. Onda Türkmenbaşy şäheriniň medeniýet-sungat ussatlarynyň hem-de Deňizçilik orta hünär okuw mekdebiniň talyp ýaşlarynyň aýdym-sazly çykyşlaryna tomaşa edildi. Dabaranyň dowamynda oňa gatnaşyjylar öz ýürek buýsançlaryny, Türkmen Halkynyň Milli Lideri Gahryman Arkadagymyza, Arkadagly Gahryman Serdarymyza şeýle ajaýyp döwürde ýaşamaga,döretmäge, okamaga, işlemäge döredip berýän uly mümkinçilikleri üçin sagbolsunlaryny buýsanç bilen beýan etdiler. 

«Türkmenistanyň Ulag-logistika merkezi» APJ (TULM) Özbegistanyň paýtagty Daşkent şäherinden karbamid ýüki bilen ilkinji konteýner otlusyny ibermek arkaly deňi-taýy bolmadyk logistika ugruna ýük ibermek başlangyjy bilen çykyş etdi. «Türkmenistanyň Ulag-logistika merkeziniň» habar bermegine görä, her biri 28 tonna barabar bolan mineral dökünli 54 sany 40 futlyk konteynerden ybarat bu otly şeýle görnüşdäki ilkinji göni ýük gatnaw ugry bolup durýar.

Şu gün hormatly Prezident Serdar Berdimuhamedow resmi sapar bilen Malaýziýa ugrady. Paýtagtyň Halkara howa menzilinde döwlet Baştutanyny ýurduň resmi adamlary ugratdylar.