Türkmenistanyň Ministrler Kabinetiniň ýanyndaky Ulag we kommunikasiýalar agentliginiň “Türkmendeňizderýaýollary” agentliginiň Türkmenbaşy şäherindäki Deňizçilik orta hünär okuw mekdebinde Bilimler we talyp ýaşlar güni giňden bellenilýär.
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň “Türkmendeňizderýaýollary” agentliginiň Türkmenbaşy şäherindäki Deňizçilik orta hünär okuw mekdebinde Bilimler we talyp ýaşlar güni mynasybetli baýramçylyk dabarasy geçirildi. Onda Hormatly Prezidentimiziň Bilimler we talyp ýaşlar güni mynasybetli ýurdumyzyň mekdep okuwçylaryna, talyp ýaşlaryna, mugallymlaryna we bilim işgärlerine ýollan gutlagy dabaraly ýagdaýda okaldy. Dabaranyň dowamynda “Türkmendeňizderýaýollary” agentliginiň ýolbaşçysynyň, Türkmenbaşy şäherindäki Deňizçilik orta hünär okuw mekdebiniň direktorynyň hem-de mekdebiň mugallymlarynyň we talyp ýaşlarynyň çykyşlary, gutlaglary diňlenildi. Dabaranyň dowamy aýdym-sazly çykyşlara beslenip 1 - nji ýyl talyplaryň okuw mekdebiniň bosagasyndan girmekleri dabaraly ýagdaýda gutlanyldy.
