dohom@sanly.tm
Türkmenbaşy şäheriniň D.Azady köçesiniň 75-nji jaýy
English Русский
Daşkentde "Türkmenistanda öndürilen" atly türkmen harytlarynyň sergisi açyldy

Özbegistanyň paýtagtynda "Türkmenistanda öndürilen" atly türkmen harytlarynyň milli sergisi açyldy. Türkmenistanyň Daşary işler ministrliginiň metbugat gullugynyň habar berşi ýaly, açylyş dabarasyna Türkmenistanyň Ministrler Kabinetiniň Başlygynyň orunbasary Batyr Atdaýew we Özbegistanyň Premýer-ministriniň orunbasary Jamşid Hojaýew gatnaşdylar. Myhmanlaryň arasynda söwda-senagat edaralarynyň wekilleri, telekeçiler, diplomatlar we žurnalistler hem bar.

Bu sergi Türkmenistanyň ykdysadyýetiniň gazananlaryny we mümkinçiliklerini görkezýär. Sergide 13 sany döwlet edarasy we 60 sany türkmen kärhanasy öz önümleri bilen çykyş edýär. Bu ýere gelen myhmanlar halylar, zergärçilik we tekstil önümleri, gurluşyk materiallary, hojalyk we senagat himiýasy, azyk önümleri ýaly harytlaryň giň toplumy bilen tanyşyp bilerler.

Sergi şeýle-de türkmen-özbek hyzmatdaşlygyny pugtalandyrmaga we täze hyzmatdaşlyk gatnaşyklaryny ýola goýmaga gönükdirilen iş duşuşyklary we gepleşikleri üçin meýdança bolup hyzmat eder.

Ähli Habarlar

Ähli Habarlar
Card image cap
Iýl 11 2025
Türkmenistanyň Prezidenti ýurduň gallaçylaryny zähmet ýeňşi bilen gutlady

Türkmen gallaçylary Watan harmanyna guşgursak bugdaýyň 1 million 407 müň tonnasyny tabşyryp, uly zähmet ýeňşini gazandylar we şertnamalaýyn borçnamany üstünlikli ýerine ýetirdiler. Şu mynasybetli Prezident Serdar Berdimuhamedow Garaşsyz, hemişelik Bitarap Türkmenistanyň edermen gallaçylaryna we ähli oba hojalyk işgärlerine Gutlag ýollady.

Card image cap
Iýl 08 2025
Yslamabat şäherinde Halkara parlamentariler kongressiniň baş sekretarynyň ýolbaşçylygyndaky wekiliýet bilen duşuşyk geçirildi
Card image cap
Iýl 07 2025
“Türkmendeňizderýaýollary” agentligi iki sany Ro-Ro görnüşli gämileri we bir sany gury ýük daşaýan gämisiniň gurulmagy babatynda bäsleşik yglan etdi

Türkmenistanyň deňiz söwda flotunyň gämileriniň gurluşygyny maliýeleşdirmek boýunça Türkmenistanyň Hökümeti bilen Yslam Ösüş Bankynyň, hem-de OPEK halkara ösüş gaznasynyň arasynda baglaşylan Ylalaşyklary durmuşa geçirmegiň çäklerinde 2025-nji ýylyň 2-nji iýulynda “Türkmendeňizderýaýollary” agentligi “Ro-Ro” görnüşli iki sany demir ýol paromlarynyň we bir sany gury ýük daşaýan gämisiniň gurluşygy boýunça taslamalaşdyrmak, enjamlar bilen üpjün etmek hem-de gämi gurluşygyny dolandyrmak barada bäsleşik yglan etdi.   Gämiler “Balkan” gämi gurluşyk we abatlaýyş zawodynda gurlar. Bu taslamanyň maksady, milli deňiz söwda flotunyň mümkinçiliklerini we netijeliligini ýokarlandyrmak hem-de ýurduň gämi gurluşyk mümkinçiligini ösdürmek bolup durýar. Bu taslama, deňiz ulag pudagynyň durnukly ösüşini gazanmakda we ýurdumyzyň ykdysadyýetini hem-de ykdysady işi difersifikasiýalaşdyrmaga gönükdirilen, ýurdy ösdürmegiň umumy strategiýasyna goşant goşar.   Mundan başga-da, “Balkan” zawodynda gämileriň gurulmagy täze iş orunlarynyň açylmagyna, şeýle hem, türkmen inženerleriniň we işçileriniň hünär derejeleriniň ýokarlanmagyna we pudagyň mundan beýläk-de ösmegi üçin şertleri döreder. Bu bäsleşik barada giňişleýin maglumaty aşakda görkezilen salgylardan alyp bilersiňiz: