dohom@sanly.tm
Türkmenbaşy şäheriniň D.Azady köçesiniň 75-nji jaýy
English Русский
Türkmenistanyň wekilleri Aktauda geçiriljek ilkinji Demirgazyk-Günorta forumyna gatnaşarlar

Türkmenistanyň wekilleri 19-20-nji iýulda Aktauda geçiriljek Demirgazyk-Günorta ulag söwda-eksport forumyna gatnaşarlar.

HHM-niň ElDala.kz salgylanyp berýän habaryna görä, foruma Gazagystanyň Premýer-ministriniň orunbasary Serik Žumangarin tarapyndan ýolbaşçylyk ediler.

Foruma Türkmenistan, Azerbaýjan, Ermenistan, Owganystan, Belarus, Hindistan, Eýran, Oman, Pakistan, Russiýa, Siriýa we BAE-den wekiller gatnaşar.

Forumda demir ýoluň, ýol ugurlarynyň we portlaryň ösüşi hem-de logistikanyň beýleki taraplary bilen baglanyşykly meseleler ara alnyp maslahatlaşylar. Duşuşygyň çäginde «Gazagystanyň söwda we eksport mümkinçilikleri» atly sergi geçiriler.

Çeşmäniň belleýşi ýaly, foruma gatnaşyjylar işewürlik gepleşikleri geçirmäge, Aktau we Kuryk portlaryna baryp görmäge mümkinçilik alarlar.

Ähli Habarlar

Ähli Habarlar
Card image cap
Sen 06 2024
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň “Türkmendeňizderýaýollary” agentliginiň Türkmenbaşy şäherindäki Deňizçilik orta hünär okuw mekdebinde «Ýol hereketiniň howpsuzlygy – ömrümiziň rahatlygy» atly wagyz nesihat duşuşygy geçirildi.

Her ýylyň 1-nji sentýabryndan 30-njy sentýabry aralygynda geçirilýän biraýlyk ýol-ulag hadysalarynyň azalmagyna we ýol hereketine gatnaşýanlaryň ählisiniiň howpsuzlygyny gazanmaga gönükdirilendir. Başlanan biraýlygyň «Ýol hereketiniň howpsuzlygy – ömrümiziň rahatlygy» diýlip atlandyrylmagy hem bellenilen maksatlara gabat gelýär.

Card image cap
Sen 03 2024
Türkmenistan medeni gymmatlyklaryň bikanun söwdasyna garşy göreş boýunça seminara gatnaşýar

Türkmen wekiliýeti 2-nji sentýabrdan 4-nji sentýabra çenli Antalýada geçirilýän medeni gymmatlyklaryň bikanun söwdasyna garşy göreş boýunça okuw seminaryna gatnaşýar. Seminar Ýewropada Howpsuzlyk we Hyzmatdaşlyk Guramasy tarapyndan guralýar. Oňa degişli halkara guramalaryň hünärmenleri, şeýle hem ÝHHG-ä agza ýurtlaryň wekilleri gatnaşýarlar.

Card image cap
Sen 02 2024
Konteýner pudagy girdejilerini artdyrýar

Ählumumy konteýnerde ýük daşamalar pudagy 2024-nji ýylyň ikinji çärýeginde güýçli ösüş gazandy. Bu barada pudagyň seljermesine salgylanýan «Bloomberg» habar berdi.