Litwada iş saparynyň çäginde, Minskdäki Türkmenistanyň Adatdan daşary we doly ygtyýarly ilçisi Nazarguly Şagulýew GDA ýurtlarynda, Ýewropa we Aziýa deňiz portlary arkaly söwda we logistika bilen meşgullanýan Grudoteka kärhanasyna baryp gördi we bu kärhananyň ýolbaşçylary bilen gepleşikler geçirdi. Bu barada Türkmenistanyň Belarus Respublikasyndaky Ilçihanasynyň web sahypasynda habar berildi.

Şu gün “Awaza” milli syýahatçylyk zolagynda, “Deňiz” myhmanhanasynda, Birleşen Milletler Guramasynyň Ýewropa ykdysady komissiýasy we Birleşen Milletler Guramasynyň Merkezi Aziýa ýurtlarynyň ykdysadyýetleri üçin Ýörite Maksatnamasynyň (SPECA) çäklerinde Söwda we ulag hem-de maglumat alyş-çalşyk ulgamynda mümkinçilikleri ösdürmek üçin amallary ýeňilleşdirmek boýunça 18-nji halkara okuw maslahaty öz işine başlady. Okuw maslahatynyň işine “Türkmendeňizderýaýollary” agentliginiň, “Türkmendemirýollary” agentliginiň, “Türkmenawtoulaglary” agentliginiň, “Türkmenaragatnaşyk” agentliginiň, “Türkmenhowaýollary” agentliginiň, Döwlet Gümrük gullugynyň we SPECA-nyň agza ýurtlarynyň degişli pudak edaralarynyň wekilleri gatnaşdylar. Okuw maslahatynyň birinji gününde Hazarüsti ulag geçelgesi boýunça maglumatlary we resminamalary alyş-çalyş etmek boýunça temalarda çykyşlar edildi. Hususan-da, häzirki wagtda Aktau-Baku aralygynda ýük gatnawlary boýunça maglumat alyş-çalşygynyň ýola goýlandygy, geljekde bu ugurda Türkmenistanyň hem goşulmagynyň maksadalaýyk boljakdygy bellenildi. Çykyşlaryň dowamynda maglumat alyş-çalyşygynyň Birleşen Milletler Guramasynyň UN/CEFACT standartlaryna laýyk gelmelidigi nygtaldy. Okuw maslahaty iki gün dowam eder hem-de maslahatyň ahyrynda myhmanlary Türkmenbaşy Halkara deňiz portunyň mümkinçilikleri bilen ýerinde tanyşdyrylar.

Halkara zenanlar gününiň öňüsyrasynda, 7-nji martda Türkmenistanyň Döwlet medeniýet merkeziniň Mukamlar köşgünde sungat ussatlarynyň ýurduň gelin-gyzlaryna bagyşlanan konserti boldy. Bu barada türkmen metbugatynda habar berilýär.