"Garașsyz baky Bitarap Türkmenistan-bedew batly at myradyñ mekany" ýylynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň, Arkadagly Gahryman Serdarymyzyň öwüt- ündewleri we gymmatly maslahatlary esasynda ýurdumyzda ýaşlaryñ sazlaşykly ösüşi, olaryň jemgyýetimizde eýeleýän ornuny pugtalandyrmak boýunça alnyp barylýan işler, öñde goýlan wezipeler, seýle hem ýaşlaryň arasynda türkmeniñ döwIetlilik ýörelgelerini, milliligimizi, däp-dessurlarymyzy, sagdyn-durmuş yörelgelerini, maşgala gymmatlygyny giñden wagyz etmek maksady bilen Zenanlar guramasynyñ Turkmenbaşy şaher birleşmesi bilen bilelikde Türkmenbaşy şaherindäki Deñizçilik orta hünär okuw mekdebiniñ talyp gelin-gyzlarynyñ gatnaşmagynda wagyz-nesihat duşuşygy geçirildi.

Berkarar döwletiň täze eýýamynyň Galkynyşy döwründe, aprel aýynyň ýurdumyzda Saglyk aýy diýlip yglan edilmegi ýaş nesilleriň ruhuny belende göterýär. Şunuň bilen baglylykda, aprel aýynyň 02-sine Hazar deňziniň merjen dänesi bolan “Awaza” milli syýahatçylyk zolagynda Türkmenbaşy şäherindäki Deňizçilik orta hünär okuw mekdebiniň guramagynda sport çäresi geçirildi. Çäräniň dowamynda talyplaryň aýratyn işjeňligi we buýsançly çykyşlary hemmeleriň ünsüni çekdi. Sport çäresi ir bilen deňiz kenarynyň tämiz howasynda köpçülikleýin maşklar bilen başlandy. Talyplar öz halypa mugallymlary bilen bilelikde, sazlaşykly saz astynda bedeni taplaýan döwrebap gimnastik maşklary uly ruhubelentlik bilen ýerine ýetirdiler. Ýaşlaryň her bir hereketinde sagdyn durmuş ýörelgesine bolan söýgi we öz mekdebine bolan guwanç duýuldy. Bedenterbiýe maşklaryndan soňra, çäräniň iň täsirli pursady bolan welosiped ýörişine badalga berildi. Awazanyň gözel binalarynyň ýanyndan geçýän ýodalarda talyplar uly joşgun bilen welosiped sürdüler. Bu ýöriş diňe bir sport çäresi däl, eýsem ýaşlaryň agzybirliginiň we sagdyn geljege bolan ynamynyň dabaralanmasyna öwrüldi. Gatnaşyjylaryň ýüzlerindäki şatlyk we kalplaryndaky buýsanç çäräniň ähmiýetini has-da artdyrdy. Aprel aýynyň sagdynlyk ruhy bilen utgaşan bu ajaýyp gün, talyplar üçin hakyky bagtyýarlyk baýramy boldy. Şeýle döwrebap şertleri we bagtyýar ýaşlygy peşgeş beren Gahryman Arkadagymyza hem-de Arkadagly Gahryman Serdarymyza mugallymlaryň we talyplaryň minnetdarlygy çäksizdir.

Bu geçirilen çärede okuw mekdebimizde bilim almaga isleg bildirýän ýaşlarymyza okuw mekdebimiziň ähli mümkinçiliklerini açyp görkezjek gezelençler, görelde sapaklary, zehin bäsleşikleri, ähli hünärler boýunça taslamalar we sergiler gurnaldy. Talyplarymyzyň görkezýän taslamalarynda diňe bir tehnika däl, eýsem uly bir medeni dowamat ýatyr. Türkmen halky taryhyň ähli döwürlerinde deňiz bilen dost bolan, Hazaryň kenarynda uly siwilizasiýalary guran halkdyr. Talyplar tarapyndan taýýarlanylan taslamalary jemgyýetiň häzirki zaman meselelerini çözmäge gönükdirilendir. Meselem, deňiz portunyň ekologiýasy ýa-da ýaşlaryň iş bilen üpjünçiligi baradaky ylmy gözlegler. Bu diňe bir mekdep çäklerinde däl, eýsem tutuş jemgyýet üçin wajyp meselelerdir. Talyplar öz taslamalarynda “Men jemgyýete nähili peýda getirip bilerin” diýen soraga jogap berýärler. Bu bolsa Gahryman Arkadagymyzyň, Arkadagly Gahryman  Serdarymyzyň ýaşlar syýasatynyň – döredijilikli we işjeň nesili kemala getirmek maksadynyň netijesidir. “Açyk gapylar” gününe gelen her bir ýaş ýürek biziň taryhymyzy we gelejegimizi baglanyşdyrýan täze bir güýçdir. Biz ýaşlara şeýle giň ýollary açyp beren Gahryman Arkadagymyza, Arkadagly Gahryman Serdarymyza çäksiz minnetdarlygymyzy bildirýäris. Goý ýurdumyzyň ýaşlarynyň ylym-bilim ýoly hemişe aýdyň bolsun.